Logo della Provincia del Medio Campidano

Sardegna

Salta la barra di navigazione e vai ai contenuti

Vivere la campagna

Is bias de su trigu

Mietitura del grano

  • Localidadi: Marmilla (Barumini - Luamadrò - Seddori - Siddi - Gonnosfanadiga)
  • Tipu de percursu: in machina
  • Tempus po fai su percursu: una o prus de una dì.
  • Períodu consillau: beranu ( po sa messa), atóngiu (sagra de su pani), po su papai, invecis, totu s’annu.
 

In Provincia sa cúltura de su trigu est forti, gratzias a sa fertilidadi de is terrenus, e tenit arreixinas antigas, tant’est berus chi is Fenicius e is Punicus, lompius in Sardignia, iant ocupau is terras po ddas sfrutai. A su tempus de su dominiu romanu sa Sardigna, ma pruscatotu sa Marmilla, produsiat trigu meda, chi serbiat a Roma sempri impenniada in is guerras, sichè medas funt is arrastus, chi pertocant sa cultura de su trigu e de su pani, chi beniat decorau e pintau. In is situs nuragicus de sa Provincia, difatis, si funt agatadas diversas pintaderas, chi funt discus traballaus cun disegnus particularis, impreaus po decorai su pani. In su territoriu nci funt siat is museus, chi agodrant is istruméntus po fai su pani, siat is fabricus de is monti granaticus, presentis giai in totus is biddas, e chi oi recuperaus, funt sedi o de museus, o de su Bancu de Sardigna, o centrus de iscedas po su turista. S’arrichesa e sa bariedadi de su pani testimongiant de is usantzias medas antigas.
Su percursu “Is bias de su trigu” podit cumentzai propiu de is terras po andai a scoberrri is usantzias de is messajus, chi, donni annu, torrant a bivi in is Sagras de sa Messa, apustis podeus bisitai is siendas de is artigianus, chi preint s’aria cun d-unu fragu de pani apenas sforrau.
Is museus de su logu e de s’usantzia funt unus cantu: ( Barumini : Domu de Zapata ; Lunamatrona : Museu de su Territoriu, Seddori : Museu de is paras Cappucinus ; Siddi : Museu de su logu e de is usantzias) e s’amostant usantzias diversas e diferentis po su chi pertocat su pani.