Logo della Provincia del Medio Campidano

Sardegna

Salta la barra di navigazione e vai ai contenuti

Vivere la campagna

Su cabori biaitu de sa provincia

Zafferano

  • Localidadi: Santu Aingiu, Turri, Biddanoa Franca.
  • Tipu de percursu: in machina
  • Tempus po fai su percursu: una o prus dis
  • Periodu consillau: atongiu ( Sagra de su Tzafanau), totu s’annu po su papai.
 

Sa Provincia est privilegiada po su chi pertocat su papai e sa produtzioni de is varius prodótus, bastat pentzai a su tzafanàu, produsiu a Santu ‘Aingiu, Turri, Biddanoafranca, chi, impari cun atrus centrus, tenint su 50% de sa produtzioni natzionali. Podeus gustai sa cosa de papai cundida cun su tzafaranu a tot’annu e prusacatotu in atongiu.In su mesi de donniassàntu chi curreus is bias de una bidda a s’atra, eus a biri siguramenti is terras cobertas de su frori biaitu de su ztafaranu e is messajus, chi ndi ddu boddint .Is centrus principalis de sa produtzioni aprontant sagras e donant sa possibilidadi a is bisitadoris de tastai sa cosa de papai coxinada cun su tzafaranu. Candu nci funt custas festas, is bias e is vetrínas funt coloradas de biaitu, is produtoris e is artigianus esponnint is prodótus insoru in is fieras e faint bisitai sa sienda, e podeus bisitai is monumentus de is biddas, chi abarrant obertus. Is ristorantis de sa zona preparant una bariedadi manna de cosa de papai cundida cun su tzafanàu, po esempru, cumenti a primu podeus papai cruguxionis o malloreddus a sa campidanesa, po segundu petza, e po druci pàrdulas, tzipuas e su gelau a su tzafanàu!