Salta la barra di navigazione e vai ai contenuti
Vivere la campagna
Aintru de su territòriu de sa Provìntzia de su Campidanu de Mesu si chistionat una suta-bariedadi (“sub-varietà”) de Sardu chi ddi nant campidanesu de Scurigadroxu (“occidentale”).
Sa fueddada campidanesa de Scurigadroxu tenit unas cantu caraterìstigas e si-nci stesiat de is atras fueddadas campidanesas (po nai de su campidanesu ginerali e literàriu e de is atras suta-bariedadis).
Labai imoi unas cantu caraterìstigas:
* Sa N (“enna”) a carighedda est a nai sa N pronuntziada a sa manera portughesa, es.: [mau] antzis de manu; [pai] antzis de pani; [biu] antzis de binu;
* Sa L (“ella”) chi candu est intra de boxalis (est a nai “intervocalica”) est pronuntziada cun d-unu sonu chi s’acostat meda a su sonu bilabiali [β], es.: [sòβi] antzis de soli; [mεβa] antzis de mela; [apriβi] antzis de abrili.
* Metàtesi de sa R (“erra”), est a nai candu sa R cambiat sa posidura cosa sua aintru de su fueddu, es.: srogu antzis de sorgu; madri antzis de mardi; sriboi antzis de sirboni;
* Arruidura de su cunsonu (“consonante”) de inghitzu: [sa ‘idda] antzis de sa bidda;
* Unu lèssicu caraterìstigu, es.: incapas antzis de forsis; brobei antzis de brebei (ma no in totu is biddas !);