Provincia Medio Campidano| Cultura

Aree Tematiche

Cultura|

Approfondimenti

Sei in: Home > Cultura

Cultura

cultura

Dirigente: Dr.ssa Maria Collu
Indirizzo: Via Paganini, 22 - 09025 Sanluri (VS)
Telefono: 070 9356400
Fax: 070 9370383

cultura

Is cumpeténtzias de sa Província po su chi pertocat sa Cultura, s’Identidàdi, is Benis Culturàlis e su Spetàculu, funt arregulàdas e definídas de sa Lei Regionali 12 Làmparas 2006, n° 9 “ Cunferiméntu de funtziònis e cómpitus a is Entis Localis” a is artículus 77 – 79 e 82, chi pertocant is ramus e is cómpitus descrítus de sighiu.

Bènis Culturàlis

su programma e sa spartzidúra de is contríbutus po s’avaloraméntu e ampàru de su patrimóniu monumentàli;
su programma e sa spartzidúra de is contríbutus po is musèus locàlis e de interéssu locàli;
promotzioni de s’agiúdu intru de is entis locàlis po sa gestióni acumonàda de is bènis culturàlis, de is istitútus e de is logus de sa cultura e de is servítzius, chi ddus arriguàrdant puru ;
su programma, su cuntróllu impari a is Cumúnus de riferiméntu, de is servítzius, de is istitútus e de is logus de cultura in su territóriu provinciàli ;
gosu e avaloraméntu de is bènis culturàlis e de is istitútus e de is logus de sa cultura, chi s’agatant in poderi cosa insoru o chi a cussas funt stetius trasferius.

Is Provincias agiudant in su programma regionàli, po organizài e po ammanniài su sistema regionali de is bènis culturàlis, de is istitutus e de is logus de sa cultura.

Spetàculus e atividàdis culturàlis

intervéntus po manifestàtzionis culturàlis e de spetàculu organizàdas de operadoris (faidoris) privaus non professionàlis, cumenti narat sa Lei Regionàli 21 Làmparas 1950, n°17;
intervéntus po su svilúpu de is atividàdis musicàlis populàris, cumenti narat sa Lei Regionàli 18 Donniasàntu 1986, n°64, e modíficas e aciúntas, chi sighint;
promotzioni e gestioni de is atividàdis culturàlis, de circa e impàru, po mesu de sa spartzidúra de is contributus prevídius de su comma 3 de s’artículu 60 de sa Lei Regionali n°1 de su 1990;
organizatzioni de propostas po favorèssi s’aciuntúra de is atividàdis culturàlis cun is chi pertocant sa scola e sa formàtzioni professionali;
intervéntus po favoressi sa nàscita e su funtzionàmentu de is iscolas cívicas de música, segundu sa Lei Regionali 15 Meseladàmini 1997, n°28; po custu scopu su programma regionali prevídiu de su còmma 3 de s’articulu 2 de sa Lei Regionali n°28 de su 1997, spratzíu po provincias, est sutapostu a sa Cunferèntzia Regioni – entis localis, segundu is procèduras de acórdiu inditadas de sa Lei Regionali n°1 de su 2005; candu si fait sa primu aprígu, su programma est imbíau a su Consillu Regionali po connosci su parri de sa Commisiòni de su Cunsillu cumpetènti.

Cultura e Lingua Sarda

programma e gestioni de is risorsas finantziàrias, chi riguardant is atividàdis de is Consultas localis po sa Cultura e sa Lingua Sarda;
programma e gestioni de is risorsas finantziarias, chi pertocant sa spratzidura de is contributus a is entis localis, po torrai a logu is nominis de is bias e de is biddas in lingua sarda e de is variedadis linguísticas amparàdas de s’artículu 24 de sa Lei Regionali 15 Meseladàmini 1997, n°26;
programma e gestioni de is risorsas finantziarias, chi riguardant is interventus prevídius de is artt. 13, 17 e 20 de sa Lei regionali n°26 de su 1997.

Su Statutu de sa Província de Campidànu de Mesu po su chi pertocat su ramu de sa Cultura, de is Bènis Culturàlis e de su Spetàculu cumenti narat s’articúlu 2, còmma 4, narat “ Sa Província fait s’atividàdi cosa sua po lompi a s’atuatzioni de is princípius, chi sighint: “s’ampàru e s’avaloraméntu de sa cultura e de su connótu de su pópulu cosa sua”.

Nobas

Mestieris, connoscéntzias e saboris de su passau e sa de 16 editzionis de sa festa “Símbua fritta cun satitzu”
09/08/12 - COMUNE VILLANOVAFORRU - S’Amministratzioni Comunali e sa Pro Loco de Biddanoa de Forru funt organizendi sa de 7 editzionis de sa manifestatzioni « Mestieri, saperi e sapori del passato” e sa de 16 editzionis de sa festa “Símbua fritta cun satitzu”, chi tenint s’iscopu de avalorai is atividadis produtivas e cussas relativas a su papai e a su bufai de sa Província de...
Montibéciu destinatzioni “Eden” 2011: proietzionis e vísita guidada – trinta segundus po promovi una destinatzioni de ecelléntzia
31/07/12 - www.minieradimontevecchio.it - Trinta segundus po promovi una destinatzioni de ecelléntzia- Montibéciu destinatzioni “Eden 2011”: proietzionis e vísita guidada. Su 3 de Austu de su 2012 a is cincu de a merì (17,00) ande sa sala de is cuferéntzias de Montibéciu ddoi at sa presentada de su “spot” EDEN, chi acramat su situ mineràriu cumenti a “destinatzioni turística ...
Presentau in gùspini su progetu “Prendas de Sardegna – gioielli, amuleti e riti apotropaici"
30/07/12 - COMUNE DI GUSPINI - Su 27 de Argiolas a is ses e mesu de a merì, me in s’aula de su Consillu de su Comunu de Gùspini ant presentau s’arrisurtau de su progetu « Prendas de Sardegna - Amuleti, gioielli e riti apotropaici » finantziau de sa Provìncia de su Campidanu de Mesu impari a is comunus de Gùspini, de Gonnos e de Siddi, gratzias a sa Lei 26/97 po ...
Dessí concuistat su mundu
28/07/12 - L'UNIONE SARDA - Biddacidru. SA Fundatzioni organizat una série de propostas a s’ésteru, presentat òperas in Svezia, Brasile, Ucraina e Lituania. De Biddacidru a sa Svezia, a su Brasile, a sa Spagna, a s’Ucraina, e a sa Lituania po fai a connosci is óperas de Giuseppe Dessì. Sa Fundatzioni Dessì e su Comitau Natzionali, po sa celebratzioni de su centenàriu de sa ...
Tzerriada de su consillu provinciali de su 2 de austu de su 2012
27/07/12 - REDAZIONE - Si cimbidat sa Signoria bostra a pigai parti a sa riunioni de su Consillu Provinciali, cunvocau po su 2 de Austu de su 2012, me in s’aula de su Consillu de sa Província, in Biddacidru, in bia Parrocchia, n°190, po chistionai de is argumentus avatantis postus a s’órdini de sa dì: 1. Comunicatzioni pigadura de su Fundu de Riserva n°2, delibbera ...
Su 2° atóbiu de sa rassigna “is notis de Gùspini s’intingint de cabori de arrosa”
25/07/12 - REDAZIONE - Gióbia in Gùspini ddoi at su segundu atóbiu de is “Notti Rosa”, a parti is atóbius fissus de is butegas obertas, música e àteras atividadis de animatzioni, duas sociologas de ecelléntzia, Lilli Pruna (autrici de “Donne al lavoro” e Sabrina Perra (autrici de “Forme e pratiche delle disuguaglianze sociali”) chistionant asuba de “Dove sono le...