Salta la barra di navigazione e vai ai contenuti
Vivere la campagna
Sa Sardigna est connota po essi sa terra de is metàllus e de is gotéddus, difàtis in medas biddas nci funt is artesanus, chi faint fràcis e gotéddus.
Intre de is arresòjas prus nodidas nci funt: sa “Arburèsa” e sa “Guspinesa”. S’Arburèsa, tzerriàda puru sa “Gonnesa”, portat sa lama brentúda, sa màniga est in un’arrógu unicu cun duas fascítas metàllicas in su cabu i est impreada, pruscatótu, de is pastòris, po scroxài a is animàbis.
Nci est puru s’arrasòja “Guspinesa”, chi abarrat unu paghéddu brentúda, cun sa màniga acocoveddàda de corru de mascu, manixàda po púngi e po segài.
De sa Guspinesa ndi esístit un’arràtza chèntza de punta, chi, introdúsia de su Guvernu a principiu de su Noixentus, fiat impreada pruscatotu de is minadoris.
Girendu po is biddas de sa Província non est difícili agatai is butègas innói si podit bi’ cumènti si faint is arrasojas.
Donnia dus annus a Montibeciu (Montevecchio), logu de miniera, chi fiat importànti meda, si fait una mosta nomenàda “Arresòjas”, chi, nascia po fai connòsci su patromóniu de is gotéddus sardus, est bessída un’atobiu fundamentàli po is apassionàus e is curiósus.
Sempri in su territóriu de sa Província, a Arbus nci est su “Museu de su gotéddu sardu”, innói si bit, po mesu de una bisita a is butegas de is ferreris, cumènti funt trabàllaus is gotéddus,.