Comune: Sardara -
Data inizio: sabato 26 giugno 2010
Data fine: sabato 26 giugno 2010

Sabato 26 giugno 2010 alle ore 18.30 in Piazza Emilio Lussu a Sardara, verrà presentato il libro di Gigi Tatti “Tres cummèdias sardas”. Con la partecipazione di Paolo Pusceddu caratterista e attore della compagnia teatrale “su fazzoni” di Arbus. L’evento, inserito nell’ambito della manifestazione “Tres libbrus po s’istadi sardaresa”, è organizzato dalla Pro Loco Sardara e dal Comune di Sardara.

"Tres cummèdias sardas" est su tìtulu de su lìburu chi Gigi Tatti at pubricau cun sa PTM Editrice in Mesi de Lodàminis de ocannu passau. Gigi est autori, regista e atori de teatru, at traballau annus meda in s’arràdiu e scriit contus, cantzonis e poesias in sardu. Is òperas suas funt arrapresentadas de atras cumpangias teatralis sardas puru, no sceti de sa sua. Custu lìburu suu arragollit sceti tres de is tantus cumèdias in sardu chi at scritu: funt Sa musca cuaddina, Caboniscu bècciu, biccu nou e Su bentu dorau. Gigi sighit in is traballus suus s’arrastu de su teatru campidanesu, caminendi in su mori de su connotu. Custas cumèdias contant de acadessimentus de famìllias sardas, e funt stòrias de oi, contadas in d-unu cuntestu cuntemporàneu, cun situatzionis biatzas, unu linguatzu francu e spiritosu e unu pogheddu de ironia, chi no guastat. Sa primu cumèdia “Sa musca cuaddina” contat de is atropìllius de duas famìllias, Piscitta e Cragasta. Parit de essi in La folle journée de Beaumarchais, anca is personàgius si ghetant a pari e is chistionis insoru s’amesturant. “Caboniscu bècciu, biccu nou” contat de unu babu fiudu, Antiogu Miseu, e de sa vida sua a bèciu cun sa serbidora stràngia e is fillus chi ndi ddi bolint pinnigai su dinai, de una estratzioni de su lotu e de unu billetu chi at bintu. “Su bentu dorau” est su contu de una eredidadi, de una terra chi nemus bolit e de is trassas chi faint is duus fillus de su mortu, fradi e sorri, po otenni su prus chi podint circhendi de no si fai frigai de is cunditzionis chi at postu su babu in su testamentu. Is personàgius de is cumèdias funt spassiosus, ma caraterizaus cun is cosas bellas, e malas puru, de su caràtiri de donniunu. Su traballu de Gigi est importanti po su sardu poita ca su teatru fait bivi sa lìngua, allogat sa fueddada biatza e prus acanta de sa genti, chi sighit a intendi sa lingua sua fueddada. Su de fai arriri fait acostai sa genti a su sardu, ma depit essi craru ca su sardu no est sceti totu brulla e cosa de arriri. Sa brulla arburesa, cumenti dda tzèrriat issu e totu, serbit duncas a fai su contu prus arricu, is dìcius e is arretrogus in rima in is batutas agiudant su contai e is atropìllius chi acadessint funt praxilis e contaus beni. Duncas bellu traballu, chi agiudat su sardu a no si sperdi, e a ddu sighiri a acostai a sa genti in d-una manera spassiosa. Praxili a ligi, fait beni sa gana de biri is cumèdias in su palcu puru, e ndi balit sa pena.
(Fonte: http://ivomurgia.splinder.com)