Salta la barra di navigazione e vai ai contenuti
Eventi e manifestazioni
L | M | M | G | V | S | D |
---|---|---|---|---|---|---|
1 | 2 | 3 | 4 | 5 | 6 | |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 31 |
Bosu, o Martiri sagrau
Grazias po nosu ottenei
Rit: Is devotus defendei
Sisinni Santu Abogau
Nasciu seis in Eleni
Bella e fiorida Zittadi;
Su Battisimu, summu beni,
Arricendi cun piedadi,
Sa Stola de santidadi
Heis intatta cunservau.
Rit.: Is devotus…
De sa primu gioventudi
Predichendu cun fervori,
De dogna santa Virtudi
Diffundeis su splendori,
De sa fidi a defensori
Os’ hat Deus destinau
Rit.: Is devotus…
Fervorosu Evangelista
Po unu zelu tant’ardenti
Fait mirabili conquista
Sa boxi bosta potenti;
Cunvertendu meda genti
De su populu incantau.
Rit.: Is devotus…
Candu intendit cun rancori
Sa dottrina predicada,
Andat in ira e furori
Su tirannu chi regnada,
Cun manera scellerata
Seis esteti catturau.
Rit.: Is devotus…
Strascinau a sa presenzia
Strintu de fortis cadenas,
Os’ intimat sa sentenzia
De morti, e atrozis penas
Si is Deidadis oscenas
No estis subitu adorau
Rit.: Is devotus…
Ma bosu s’impiu deliriu
Cun custanzia disprezzais:
Tanti barbaru martiriu
De bonu animu abbrazzais:
E sa fidi sigillais
Cun su sanguini sagrau.
Rit.: Is devotus…
Po Gesusu suffreis sa morti,
Cali vittima odorosa;
A sa sempiterna Corti
Bolat s’anima diciosa
Aundi regnat gloriosa
In su soliu meritau.
Rit.:Is devotus…
Fei, benignu Protettori,
Po is preghieras chi osi feus,
Chi fidus a su Segnori
Sa vita nostra passeus
E ch’in su Celu goseus
De su premiu sospirau
Rit.: Is devotus…
R. Ora pro nobis Beate Sisinni v. Ut digni efficiamur promissionibus Cristi.
OREMUS
Praesta, quaesumus omnipotens Deus, ut intercedente Beato Sisinnio Martire tuo, et a cunctis adversitatibus liberemur in corpore, et a pravis cogitationibus mundemur in mente.
Per Cristum Dominum nostrum
R. Amen